Achievement

Тоглоом тоглож байхад янз бүрийн achievement өгдөг дөө. Жишээ нь Left 4 Dead 2 гэдэг тоглоомон дээр "The Sacrifice" гэдэг үеийг давахад энэ үеийг амжилттай давлаа гэсэн "SUPREME SACRIFICE" achievement өгдөг.

Үүнтэй адилаар амьдрал дээр ч гэсэн бид нар янз бүрийн achievement авч байдаг. Үүнийгээ нэг их юманд тоодоггүй болохоор заримдаа ч амьдрал түвэгтэй шүү хэхэ. Гэхдээ бүх зүйлийг achievement гэж төсөөлөөд хийвэл харин сонирхолтой байх юм шиг санагдлаа, өнөөдөр автобусанд явж байхдаа бодсон минь тэр.

Яаж гээч! Жишээ нь би өнөөдөр Зүүнсалааны тэр их хүн чихсэн, галзуу хулгана шиг автобусан дотор анх удаа хөл дээрээ гишгүүлэхгүй цэвэрхэн гуталтай бууж үзлээ. Ямар их урамшсан гэж санана. Орой харьж явахдаа энэ тухайгаа бодоод өөрөө өөртөө achievement өгч байгаа минь энэ.

Ингэхээр хэцүү юм бүхнийг давах гэж оролдох бүртээ "Энийг л давчих юм шүү, тэгвэл ийм achievement авна" гээд зүтгэвэл илүү хийхэд хялбар, хөгжилтэй, заавал давах даалгавартай болно биз? Гэхдээ хүн хүн өөр байх л даа, ямар ч байсан тоглоомчин хүний хувьд бол ийм байна.

За тэгээд тоглоомчин, PC донтон гэж ойлгодог хүмүүст, тоглоом гэдэг PC тоглоомын газраар төсөөлөгдөхөө больсон, ийм давуу талуудтай, гайхалтай зүйл гэж л хэлэх байна.

Алдсан iPhone олох

Өнөөдөр Facebook-ээс нэг ийм гарчигтай мэдээлэл олж уншлаа. За ямархуу юм байх нь вэ гээд уншсан чинь ашиглахад их төвөгтэй юмаа, харин миний энд та бүхэнд хүргэх гэж байгаа арга бол 2 ч удаа алдаад олсон туршлага дээр үндэслэж байгаа учраас удаан ч гэсэн илүү найдвартай арга юм.

Хүн болгон Jailbreak хийгээд байж чадахгүй шүү дээ, эсвэл утсаа янз бүр болгож өөрчлөх дургүй хүмүүс байдаг. Тэдгээр хүмүүст л энэ нийтлэлийг зориулъя даа.

Та нар JailBreakMN.com дээр оруулсан аргыг үзэх бол эндээс уншиж болно. Би өөрийнхөө аргыг доор бичлээ.

1. Эхлээд таны утас алга болсон байх ёстой (муу ёр байгаа даа :D)
2. Танд хайрцаг нь эсвэл IMEI (Serial No) код нь байх ёстой. Таны утас гэж батлахын тулд шүү дээ, мөн өнгө, харагдах байдал энэ тэрийг нь мэдээж мэддэг байх. IMEI код яаж харахыг нь мэдэхгүй бол дуудлага хийх хэсэг дээрээ *#06# гэж бичингүүт гарч ирнэ. Ер нь хайрцаг сав, худалдаж авсан бичиг, энэ кодуудыг гэртээ нэг юман дээр хадгалаад, архивлаад авчих хэрэгтэй.
3. Find My iPhone асааж, ID lock хийж түгжих хэрэггүй! Тийм ээ, та зөв уншсан. Ингээд түгжчихсэн утсыг (iPhone 4S-ээс дээш хувилбаруудыг) тайлах арга бараг байхгүй учир шууд сэлбэгэнд зарна. Ингэвэл та хэзээ ч утсаа олж чадахгүй юм. Харин утас ассан тохиолдолд байршлыг нь хараад л цагдаадаа мэдэгдээд сууж байхаас өөр арга байхгүй.
4. Утсаа алдсанаа мэдсэн дариудаа тухайн дүүргийн цагдаад, эсвэл таньдаг цагдаа байдаг бол шууд хандаж, өргөдөл бичиж бүртгүүлнэ. Ингэхдээ нөгөө хадгалсан IMEI кодоо, бусад шинжийн хамтаар хэзээ, хаана, яаж алдсанаа нэгд нэгэнгүй хэлж, хаана алдсанаа баримжаагаар мэдэж байвал тэр хавийн камеруудыг шүүлгэж, сэжигтэй санагдсан хүмүүсийн талаар мэдүүлэг өгнө дөө. Хэрвээ таны аз таарч хүнд сурталгүй цагдаа таарвал шуурхай ажиллаж Хармайны (Халаасны гэдэг билүү, хэхэ) хулгайтай тэмцэх хэсгээс таны мэдээллийн дагуу хүмүүсийн царай таниулах, камерын бичлэг үзэх зэргээр ажил ундарч өгнө.
5. Энэ хооронд "манай хулгайч" сэргэлэн гар бол гялс iTunes-д холбоод "Recover as new iPhone" гэнгүүтээ нэг "гарт" хямдхаан зарчихна. Хэрвээ азгүйтэж жаахан мэдлэг муутай нөхөр утсыг чинь туучихсан бол шинэ юм шиг утас болгох хүртэл жаахан хугацаа орно доо. 
6. Харин авч байгаа хүндээ бол "Мобигоос авсан, мөнгөний хэрэг гарлаа" энэ тэр гээд бурж байгаад өгчихсөн учир нөгөөтөх нь юу ч мэдэхгүй ашиглаж эхэлнэ.
7. За энэ хооронд нөгөө талд цагдаа юу хийх вэ гэхээр, мэдээж зүгээр суухгүй ээ. Таны өгсөн IMEI кодыг үүрэн телефоны операторууд руу "Ийм ийм дугаартай утсыг ямар дугаартай хэрэглэгч барьж байна вэ?" гэсэн утгатай албан бичиг хүргүүлж, бүртгүүлсэн байна. Хэрэв "манай хулгайч" утсыг тань зарж амжсан бол авсан хүний дугаарыг цагдаад эргүүлж явуулна. Харин үгүй бол дахиад л жаахан хугацаа орно. 
8. Дугаарыг нь нэгэнт олоод авсан юм чинь цагдаа нарт утсыг чинь авсан хүн рүү залгаад хэсэг дээр нь ирэхийг үүрэгдэх, ирэнгүүт нь утсыг нь хурааж авах гэсэн ажил л үлдэнэ. Харин танд бол гэртээ суугаад хүлээх, утас олдонгуут очиж авах, мэдүүлэг бөглөх ажил л үлдэж байгаа юм.

Энд нэмж хэлэхэд таны утсыг аваад ямар ч ашиглах боломжгүй болгоод үрэн таран хийсэн нөхөр чинь төлбөрийн чадваргүй нөхөр бол ял аваад, та хохироод л үлдэнэ гэсэн үг шүү, тиймээс аль болох хүнд хурдан зарагдах нь л бид нарт ашигтай юм.

Мөн энэхүү туршлага нь зөвхөн iPhone дээр хэрэгжсэн бөгөөд Android чухам яадгийг мэдэхгүй байна, туршаад үзэхэд гэмгүй л байх.

Мөн "жаахан хугацаа" гэдэг хугацааны хэмжүүр нь цагдаагийн үйл ажиллагаа, хүнд суртал, таны азнаас шалтгаалаад хэр урт хугацаа болох нь тодорхойлогдоно шүү.

Аз таарч авсан хүн нь камерт бичигдсэн бол үйл явцыг улам л хурдасгана гэсэн үг.

Зүв зүгээр байж байгаад саяхан худалдаж авсан утсаа цагдаад хураалгачихсан хүмүүс бас хөөрхийлөлтэйяа. Дээр нь утасны хулгайн хэрэгт сэжиглэгдээд. Гэхдээ сэтгэлээр унах хэрэггүй, та үнэхээр хулгайлаагүй л бол танд зарсан хүнийг зааж өгөх, хохирлоо барагдуулах эрхтэй. Олон хүн дамжсан бол цаад хүн нь цаашаагаа хохирлоо барагдуулах замаар явагдана.

Мөн iTag гэх мэт хэрэгслүүд ашиглавал утас алдсан ч тэр доор нь мэдэх боломжтой юм шиг байна лээ.

ДҮГНЭЛТ:

1. Аль болох барьж байсан утсыг авахдаа хайрцаг сав, өнгө зүс нь таарч байгаа эсэх, нөгөө хүнийхээ холбогдох утас, зураг, болж өгвөл дэлгэрэнгүй мэдээллийг авч байх.
2. Анхаарал болгоомжоо нэмэгдүүлэх, хайнга зангаа засах (хэхэ)
3. Утсан дээрх хэрэгтэй мэдээллүүдээ байнга компьютер руугаа backup (Архив) хийж байх
4. Тэвч, итгэ, хүлээ. Тэгээд л утсаа буцааж авна даа.

Флаш дискэн дэх нуугдсан файлыг сэргээх

Янз бүрийн вируснаас болоод хавтастай файлууд алга болох тохиолдол байдаг. Ийм флаш дискийг тун ч их цэвэрлэсэн дээ. Харин одоо энд бичигдэх аргаар та өөрөө сэргээх боломжтой.

1. Notepad програмыг ажиллуулаад (энэ програм бүх компьютерт анхнаасаа суусан байдаг) дараах командыг хуулна. attrib -s -h /d /s Урд хойноо элдэв зай, тэмдэгт байх ёсгүй шүү.
2. Дараа нь энэ файлаа хадгална, гэхдээ учиртай хадгална шүү. File name: хэсэгт дурын нэрээ өгөөд өргөтгөлийг нь .bat гэж өгөх ёстой.
3. Доор нь байрлах Save as type: хэсгээс All Files (*.*) гэдгийг сонгоод Save дарж хадгална.
4. Хадгалсан файлаа флаш диск руугаа хуулаад ажиллуулахад нуугдсан файлууд гарч ирэх ёстой. Харин гарч ирсэн үл мэдэгдэх хавтас, файлуудыг устгах хэрэгтэй шүү, тэдгээр нь вирус байх магадлалтай. Ингээд л болоо!

Дараагийн удаад Attribute Changer хэмээх үнэгүй програмын тухай танилцуулна, энэ програмыг бас л нуугдсан файлыг ил гаргах зорилгоор ашиглаж болдог.

Элдэв зураг

Саяхан утсаар авсан хэдэн зургаа оруулъя. Өөрөө камертай утсаа үгүй хийчихсэн болоод гоё зургуудыг цаг тухай бүрт нь авч амжихгүй хог болж байна аа.

Улсын их дэлгүүрийн урд талбай дээрх Beatles-ийн хөшөөг будаад засаж янзалсан байна лээ. Одоо дээр нь юм бичдэг нөхдүүдийн гарыг нь хуга цохих хэрэгтэй.

Хөшөөний ард тал

Google Adsense буюу веб сайтан дээр гүүглийн реклам тавьж мөнгө олох ажлын эхлэл, хаягийн баталгаажуулалтын код ирлээ. Мөн ч их хүлээсэн дээ ;)

Урд тал нь. Ард тал нь ч байж магадгүй :)

3, 4-р хорооллын эцэст "ийм өндөр" цамхаг баригдсан байна. Англиар tower гэдэг чинь өндөр барилга, цамхагийг хэлдэг биз дээ, гэтэл энэ чинь одоо юу болж байна аа. Манай УБ чинь дүүрэн "tower-тай" хот юм биш үү???

Be a Runner Be a Gunner хандивын гүйлт

Түрүүчийн долоо хоногийн амралтын өдрөөр эхнэртэйгээ хоёулаа "Be a Runner Be a Gunner" нэртэй манай Арсенал клубыг дэмжигч монгол залуусын нэгдэл "Арсенал багийн хөгжөөн дэмжигчдийн холбоо ТББ"-аас явуулсан хандивын гүйлтэнд оролцсон юм. Ойрын хэдэн жил ингэж гүйгээгүйгээрээ л гүйсэн хэхэ. Харин өнөөдөр энэхүү хандивыг Аутизмын эмгэгтэй хүүхдүүдийн сайн сайхны төлөө зориулан "Анд хүүхдүүд" сургалтын төвд албан ёсоор гардуулж өгсөн байна.

Мөн манай эхний 5 байрт орсон нөхдийн зургийг Arsenal.com сайт дээр байршуулсан байна. Бахархмаар шүү.

Мэдээллийг үзэх холбоос нь: http://www.arsenal.com/news/news-archive/20150413/pictures-be-a-gunner.-be-a-runner-2015

Гүйлтийн өмнө

Гүйлтийн дараа

Мэдээлэл, зургуудыг https://www.facebook.com/MongolianGunners facebook хуудаснаас авлаа. Та ч гэсэн нэгдэж болно.

Kaspersky Endpoint Security 10 for Windows

Windows 8.1-ийн Windows Defender уг нь гайгүй л дээ, гэхдээ өөр вирусны програм суулгаж ашигламаар санагдаад өнөөдөр KES 10 суулгалаа. KAV, KIS эднүүс нь license key нь олдохгүй, дандаа 30 хоногийн trial хувилбараа шинэчилж ашигладаг болохоор ажиллагаа ихтэй санагдаад болилоо. Харин миний суулгасан нь янзтай, 2017 оны 7-р сарын 30 хүртэл license олдлоо шүү хэхэ. 65000 компьютерийн эрхтэй болохоор авбал аваарай :)

Licensing цонхны харагдах байдал. Дажгүй биз :)

Удивительное чувство юмора!

БЭНЦ!!!!

Удивительное чувство юмора!

Posted by Аршак Оганесян on Tuesday, February 12, 2013

How to update crushed Google Chrome?

Миний Кром байж байгаад л update хийхгүй болчихоод байсан, саяхан учрыг нь оллоо. Шинэчлэл хийхгүй байгаа алдааг нь засах аргыг нь ч оллоо. Мөн хүмүүсийн хандсан веб хуудас руу орохгүй шал өөр сайт руу үсрэх, жишээ нь Alibaba.com руу орох гэх мэтээр ихээхэн уур хүргэж байгаа тухай зөндөө л пост уншсаны эцэст үүнийг бичиж байна. Хэрвээ таны Google Chrome интернет хөтөч шинэчлэлт буюу update хийгдэхгүй байгаа бол бас энд тэндээс рекламын самбарууд гарч ирээд байгаа бол мөн өөр өөр сайтууд руу үсрээд байгаа бол дараах зааврыг дагаарай. Энэ алдаа нь ихэвчлэн ямар нэгэн үнэгүй програм суулгах үед дагаж суусан нэмэлт өргөтгөлүүд, фишинг эсвэл скам хийдэг сайтуудаас татагдаж суугдсан нэмэлт өргөтгөлүүдээс болдог бөгөөд эдгээр нь давхар шинэчлэл буюу update хийдэг register-ийг нь гэмтээдэг.

1. Эхлээд өөрийн хэрэглэдэггүй өргөтгөл (extensions) нэмэлтүүдийг хөтөч дээрээсээ устгана. Эдгээр нь ихэнхдээ дээр дурдсанчлан төрөл бүрийн реклам харуулах, өөр сайт руу үсэргэх зэрэг үйл ажиллагааг "эрхлэн" явуулдаг.

Баруун дээд буланд байрлах менюн дээр дарна

Тэндээсээ Settings хэсэг рүү орно.

Дараа нь Extensions хэсэг рүү ороод таньж мэдэхгүй, өөрийн ашигладаггүй Extensions-үүдээ бүгдийг нь хогийн савны дүрсэн дээр дарж устгана. Эд нар нь ихэнхдээ доорх жишээн дээрх шиг тодорхой нэртэй байхгүй, бөөн үсэг тоо холилдсон нэртэй байх шиг харагдсан.

Энэ бүгдийг хийсний дараа Chrome-оо хаагаад нээхэд асуудалгүй. Зарим тохиолдолд тиймэрхүү програмууд Control Panel дотроос устгахгүй бол дахин extension суулгачихдаг юм байна лээ, давхар шалгана биз.

2. Дээр устгасан өргөтгөлүүд нь ажиллаж байх хугацаандаа өөрсдийгөө барьж өгч устгуулахгүйн тулд Chrome-ийн update хийх registry-ийг гэмтээдэг гэнэ. Тэрийг засаж сүүлийн хувилбар руу шинэчлэхийн тулд доорх REG файлыг татаж авч ажиллуулаарай. Тэгээд шинэчлэхэд зүгээр болчихно.

UpdatesDisabledFix.reg (500B) DOWNLAOD

Hidden Object Games

Би иймэрхүү нуугдсан эд зүйлс хайх, төрөл бүрийн сонирхолтой даалгавар биелүүлэх гэх мэт тоглоом тоглох дуртай. Ялангуяа BigFish - ийн тоглоомууд тун дажгүй. Сүүлийн үед нэлээн хэдэн тоглоомыг нь татаж авч суулгаж тоглолоо. Одоо зөвхөн нэг тоглоомыг л тоглоогүй үлдсэн. Гэхдээ бүгд бүрэн хувилбараар нь шүү. Англи хэлний үгийн баялаг нэмэгдүүлэх их тустай тоглоомууд даа. За тэгээд эдгээр тоглоомуудын танилцуулга видеог орууллаа, та бүхэн бас тоглохыг хүсвэл сэтгэгдлээ үлдээгээрэй, хуваалцаж болно гэж бодож байна.

Mystery Trackers: Nightsville Horror Collector's Edition

PuppetShow: The Price of Immortality Collector's Edition

The Secret Order: Beyond Time Collector's Edition

Midnight Castle - Би энэ тоглоомыг арай эхлээгүй байгаа. Сайтан дээрээ үнэгүй байх шиг байна. http://www.bigfishgames.com/games/5489/midnight-castle/?pc

Keyboard хальтирахуй...

1. Өгөөч чихэр боов
2. Худалдаа Хөнжлийн Банз
3. 
   

Цааш нь тэгж байгаад үргэлжлүүлнээ. Санаа оноо байвал бичээрэй, гол нь keyboard хальтирахуй гэж байгаа шүү хэхэ

Телевизийн хөтөлбөр

www.zuragt.mn гэж веб сайт байдаг, одоо шинэчлэгдээд бүүр дажгүй болчихож. Сая баахан ухаж төнхөөд ойлгож авсан бас ерөөсөө ойлгоогүй зүйлүүдээ оруулахаар шийдлээ. Зүгээр энгийн хэрэглэгчийн талаас шүү дээ.

1. Харагдах байдлаасаа их энгийн хөөрхөн болж, яг одоо гарч байгаа хөтөлбөрүүд нь цэнхэр өнгөөр тодорч гардаг, гараад өнгөрсөн нь сааралтаж харагдаж байна. Мөн дээр байгаа шүүлтүүрүүдээр өдрөө сонгох, сувгийн сонголт, нэвтрүүлгийн сонголт гэх мэтийг хийж болж байна. Мөн тухайн гарч буй хөтөлбөрийн дуусах хугацаа нь нөгөөх цэнхэр туузын урт богиноор тодорхой харагдаж байна. Цэнхэр тууз нь хойшоогоо багасах тусмаа нэвтрүүлэг дуусах дөхөж байна гэсэн үг юм байна. 
   
2. Тухайн гарч буй нэвтрүүлэг дээр хулганаараа товшиход "Миний үзэх" хэсэгт нэмэгддэг бөгөөд та энэ нэвтрүүлгийг дагаж эхэллээ гэсэн үг бөгөөд "дуртай, таалагддаг" гэдэг үгний бэлгэ тэмдэг болох зүрхээр тэмдэглэдэг юм байна. "Миний үзэх" гэсэн хэсэг нь зүүн талын багананы доод хэсэгт харагдана. 
   
3. "Миний суваг" цэснээс өөрийн үзэх сувгуудыг сонгодог бололтой юм. Гэхдээ энд бүх сувгууд харагдаж байх бөгөөд суваг болгоны баруун дээд буланд "х" тэмдэг байна. Харин би энэ сувгуудаас хэрэггүйгээ хасах юм байна гэж ойлгоод "х" дээр дартал нөгөөх суваг маань сааралтаад харин "зөв" эсвэл "сонголоо" гэсэн утгатай тэмдэг болчих юм. Тэгэнгүүт нь "аан, үзэх сувгаа сонгох юм байна" гэж бодлоо. Гэхдээ ингэж сонголоо гээд нэг их ялгарсан юм харагдсангүй. Ер нь энэ хэсэг нь нэг их ойлгогдсонгүй.
   
4. "Хөтөлбөр тодруулах" цэсэнд хэдхэн нэвтрүүлгийн төрөл байх бөгөөд эдгээр нь "Хошин шог, Хөгжим, Хүүхдийн нэвтрүүлэг, ЦэнгээНт нэвтрүүлэг, Эрүүл мэнд" нар болно. Энэ дундаас хошин шогийг нь сонготол юу ч ажилласангүй, учир нь би үндсэн цэсэнд эсвэл тухайн сувгийн хөтөлбөр дотор ороогүй байсан учир хошин шогийн хөтөлбөр олоогүй юм байж. Нүүр хуудаснаас шууд сонгоод доош нь гүйлгэж байтал харин доорх зурган дээрх үр дүн харагдлаа шүү.
   
5. Хамгийн тэнэг нь өмнө нь туршилтаар сонгосон янз бүрийн нэвтрүүлгүүд бүгд "Миний үзэх" хэсэгт орсон байсан бөгөөд хэрэггүйгээ хэрхэн хасахаа хайгаад хайгаад олсонгүй. Заавар хэсэгт нь уг нь хэрхэн тийш нь суваг нэмэхээ бичсэн боловч хэрхэн хасахаа мөн л оруулсангүй, энэ асуудлыг ерөөсөө бодолцоогүй юм уу эсвэл арай хийгээгүй байгаа юм уу бүү мэд.
6. Мөн сайт таалагдвал цааш нь дамжуул гэсэн мөртлөө таалагдахгүй бол юу нь болохгүй байгааг асуусан асуулга байхгүй байна. Уг нь тэгвэл өөрсдөд нь л сайн даа, эсвэл шүүмжлүүлэхээс айв уу? хэхэ. Гэхдээ бүр нэг хэлье гэсэн хүн бол мэдээж Холбоо барих хэсгээр хэлж болох л байх л даа. 
7. Эцэст нь хэлэхэд юм бас л хөгжиж байна шүү, хэрвээ ТВ-үүд яг хөтөлбөрөөрөө явбал хэрэглэх хүн олонтой болж энэ хэдэн гадуур зарагдаад байгаа ТВ Зоне өөр юу юу ч билээ ерөнхийдөө ашиггүй болж мэдэхээр байна. Ер нь өмнөхөө бодвол борлуулалт нь буурсан байх. Зиа нэг иймэрхүү.
8. Өө нэмж хэлэхэд тэр дээр сонгосон солонгос кинонуудыг би үздэггүй шүү хэхэ, бүүр үзэн яддаг юм. Жишээ авах зорилгоор юу ч хамаагүй дарж сонгосон болно. Гэхдээ юу ч хамаагүй дарангуут л солонгос кино сонгогдож байна гэхээр нэвтрүүлгүүдийн ихэнх хувь нь "савангийн дуурь" гэдэг нь үнэн ч юм шиг хэхэ.

Фотошопыг ямар програм дээр хийх вэ?

Өглөөний мэнд! Өнөөдөр ажил дээрээ ирээд жаал жуул сошл ертөнцөөр дэмий тэнэж явтал "Photoshop сурцгаая залуусаа" гэдэг facebook-ийн бүлгэмд нэг залуу ингэж асууж.
- Hi, Ямар програм дээр фотошоп хийгээд байгаан, програмыг нь мэдэх хүн байвал хэлээд өгөөч.
гэнээ хаха. Элэг авчих юмаа зарим хүмүүс.

Хошгоруулалт

Энэ Facebook-т ямар их хошгоруулалт явагдаж байна аа. Хүмүүсийг сайхан хошгоруулж байгаад л ажлаа амжуулчихдаг хүн цөөнгүй байна шүү. Одоогоор санаж байгаа нь дараах хоёр төрлөөр хошгоруулж байна.

1. Зурган дээр нь худлаа магтаж, хошгоруулсан коммент үлдээх. Жишээ нь: "Миний найз нь өөлхөн шүү", "Миний аниа хамгийн мундаг нь", "Ямар царайлаг бүсгүйчүүд вэ", "Миний найз нь сайхан турчихжээ"... Энэ ихэвчлэн охид, бүсгүйчүүд дээр их тохиолдоно. Зарим нь ч үнэн сэтгэлээсээ бичдэг л байх, ээ дээ зарим нь яалт ч үгүй л хошгоруулаад байгаа юм даа.
2. Ямар нэгэн группт өөрийн хэрэгцээтэй зүйлээ гуйхдаа "Мундагуудаа" гэж хошгоруулж ирээд л гуйдаг, эсвэл зөвлөгөө авдаг болж.

Нэмж хошгоруулалтын санаа байвал бичээрэй, би ч гэсэн санахдаа оруулнаа.

Хорчин шүлэг (хошин)

Бичгийн боловсролтой хорчин айл байжээ. Дорнын боловсролтой тэд цагаан сараар хэн нь сайн шүлэгч болoхоо мэдэхээр хоорондоо уралдаж гэнэ. Тэр айлын aав, ээж, охин, хүргэн дөрөв ээлжлэн шүлэг зoхиоx болж.

Охин:
Авдар ану тэгш бєгєєд дєрвєлжин
Цоож ану тэг дундуур оршмуй.
Түлхүүр ану янагш цанагш хєдлєхvй дор
Гарах ану торго болоод дурдам болмой.

Хүргэн:
Ширээ ану тэгш бєгєєд дєрвєлжин
Цаас ану тэг дундуур оршмуй.
Бийр ану янагш цанагш хєдлєхvй дор
Гарах ану уянга болоод найраг болмой.

Ээж:
Зуух ану тэгш бєгєєд дєрвєлжин
Тогоо ану тэг дундуур оршмуй.
Шанаг ану янагш цанагш хєдлєхvй дор
Гарах ану идээн болоод ундаан болмой.

Аав байж суух газраа олж ядаад ийш тийшээ хартал ханз харагджээ. Тэгээд хэлсэн нь:
Ханз ану тэгш бєгєєд дєрвєлжин
Эмгэн ану тэг дундуур оршмуй.
Өвгєн ану янагш цанагш хєдлєхvй дор
Гарах ану хєвгvvн болоод охин болмой.

Эх сурвалж: http://forum.asuultserver.com/viewtopic.php?f=102&t=156825&start=26

Хөгжилтэй юммммаааа

За өнөөдөр чинь хүмүүсийг "дарвайтал" нь хуураад байдаг хэрэг гэсэн чинь өглөө ирэнгүүтээ компьютерийн хулгана ажиллахгүй байхаар нь хүмүүсийн хулганы лазер гэрлийг цаасаар хаагаад тавьчихая гэж бодож байсан санаа маань өрсүүлсэн нь тодорхой боллоо. Аргагүй биз дээ, өчигдөр хүмүүсийн ихэнх нь мэддэг том том сайтуудаар тиймэрхүү байдлаар яаж хүн хуурч болох вэ гэсэн санаанууд нийтлэгдчихсэн байсан хойно. Жишээ нь энд байна: http://news.xopom.com/72253/ 

Аа мөн хэд хэдэн хөөрхөн инээд хүргэмээр бичлэг, зураг, холбоосууд олсоноо хуваалцъя.

1. Google-ийн урвуулсан хувилбар: www.com.google 
   
2. Google Map дээрх PACMAN тоглоом. Газрын зураг руу орж байгаад дуртай хотоо сонгоод жаахан томруулахаар баруун доод буланд нь PACMAP тоглох сонголт гарч ирж байна лээ. 5 амиар би 3140 оноо л авсан, Улаанбаатарын гудамжинд хэцүү юм байна лээ, эргээд л битүү :P Холбоос нь www.google.com/maps 
   
3. "Элбээгдоржийн онигоо" гээд блог байдаг юм байна, даанч 2011 оноос хойш хөтлөөгүй бололтой, над шиг л "гар" байна даа хэхэ http://elbegdorj-fun.blogspot.com/ 
   
   
   
4. Facebook ухажээ явтал нэг ийм утасны зар харлаа. Уг нь утсаа л зарчих санаатай зургийг нь авч тавьсан бололтой юм даанч дээр бичигдсэн Facebook Messenger-ийн текстүүд "баг алчихаж". "-Даруулж маруулах юм юу гэж хийдэг юм, салах гэж байхад. Тэгээд орлуугаа хальт орсон чинь унтчихаж" гэнээ. Би л лав 2-р сувгаар ойлгоод жаахан инээж авлаа :P 
   

Цастай өдрийн зураг

Ажлын цонхоор 2 shot хийснээ орууллаа. Мэргэжлийн бус камераар, мэргэжлийн бус хүн авсан шүү хаха. Сүртэй байсан шүү, цас орж байх үед.

Snow and Slow

Гадаа яг одоо ийм л байна. TJ Entertainment-ынханы бүтээл - Snow and Slow

Монгол тулгатны зуун эрхэм - Жанцанноров

Энэ нэвтрүүлгийг үзэж байна. Хэзээний ч дугаар юм бүү мэд, Жанцанноров гуай ч агуу ая зохиогч юм аа, маргаангүй. Өөрийг нь мэдэхгүй байхдаа л сонсож, сэтгэлд хоногшсон аянуудыг зохиосон гэж бодохоор хүндэтгэхээс өөр аргагүй. Гэхдээ ярьж байгаа яриа нь нэг их сэтгэгдэл төрүүлж чадсангүй, нэг л их чухал үг олж хэлэх гээд хичээгээд, ядаад байгаа юм шиг санагдаад байх юм. Агуу агуу афоризм л олж хэлэх гээд ядаад байх шиг. Эсвэл зүгээр энгийн ярьж байгаа нь тэр юм уу бүү мэд. Одоо дахиж Жанцанноров гуайн ярилцлагыг сонсохгүй, үзэхгүй. Ая зохиосон бол харин сонсоно, мэдэрнэ.

Sanchir is a GUNNER!

Ерөнхийлөгч Liverpool-ийг дэмждэг бол Санчир Arsenal-ыг дэмждэг. Эсвэл зүгээр л тохиолдол уу :P
Come On You Gunners!

Монгол минь

Ийм нэртэй нэг сайхан дуу бий. Миний хоёр найз дуулсан юм. Хоёулаа л ОХУ-ын урлагийн мундаг сургуульд сурдаг. Хуучин архиваа ухаж байгаа тэр дууг нь олсоноо үг аятай нь орууллаа. HD-ээр нь үзээрэй.

                                 Монгол минь

     Ая: Т. Сэр-Од       Үг: Ц. Эрдэнэбаатар

 Саран наран хоёрыг ээлжлэн угтах талд
 Саруул уудам орчлонгийн сэвшээ салхины үзүүрт
 Санан мөрөөдөж тэмүүлэх сэтгэлийн гүн учигт
 Санчигны үс нь буурал эцэг эхийн сүлдэнд
МОНГОЛ МИНЬ БИЙ

Мичид марал анивчих миний нутгийн тэнгэрт
Мөнгөн саранд урлаастай алтан соёмбот далбаанд
Уулын хүрэн бүргэдийн улин исгэрэх жигүүрт
Удам юугаан дээдэлсэн ургийн бичгийн хуудсанд
МОНГОЛ МИНЬ БИЙ

Зүүдлэх болгонд эх орон
Зүрх сэтгэлд эх нутаг монгол минь бий
Зүүдлэх болгонд эх орон
Зүрх сэтгэлд эх нутаг монгол минь бий

Өргөө гэрээ тулсан хос хоёр багананд
Өглөө эртлэн боссон өлчир малчны хотонд
Алдалж тэлсэн хөхүүрийн амсар дүүрэн айрганд
Арван зүгийн бурхад цуглаж чуулсан шүтээнд
МОНГОЛ МИНЬ БИЙ

Хонгор бяцхан үрсийн хонгоны хөх толбонд
Хойморь буусан шагайн тэгш дөрвөн бэрхэнд
Үнсээд үлдсэн ээжийн саалийн үнэртэй энгэрт
Үдээд хоцорсон аавын утга төгөлдөр сургаальд
МОНГОЛ МИНЬ БИЙ

Зүүдлэх болгонд эх орон
Зүрх сэтгэлд эх нутаг монгол минь бий
Зүүдлэх болгонд эх орон
Зүрх сэтгэлд эх нутаг монгол минь бий

Мой фильм 1
2 жилийн омно дуулсан дуу. Монгол минь.
Posted by Mongolkhuu Mongoloo on Monday, April 6, 2015

Нарны бүтэн хиртэлт - Total Solar Eclipse - LIVE on YouTube

Нарны бүтэн хиртэлт болж байгаа боловч Улаанбаатарт сайн мэдэгдэж харагдахгүй юм байх. Харин энэ стримээр Англиас шууд дамжуулж байгаа бөгөөд Европт илүү сайн харагдаж байгаа бололтой.

Ажлаа л хүндрүүлж байгаа юм

Цасыг заавал дагтаршуулж байж төмрөөр нүдэж цэвэрлэх ёсгүй биз дээ. Цас дөнгөж оронгуут л бүх хүмүүсээ дайчлаад хөвсгөр, хөнгөн дээр нь сайхан цэвэрлээд замын хоёр талаар гаргачихвал үгүй мөн амар аа. Тийм цасыг цэвэрлэхэд заавал тийм илүү дутуу санаа санаачлага, техник хэрэгсэл хэрэггүй дээ, олон хүн хүрз, шүүрээ бариад ороход л болох юм шиг. Энэ зам нүдээд л зогсож байгаа хэдэн хүн харахаар дандаа тэгж бодогддог юм. Цаашлаад ингэж нүдээд байхаар ямар зам тэсэхэв дээ. Хэдэн жилийн дараагаас л угаасаа муу баригдсан зам нь хагарч цоороод эхэлдэг. 

Зургийг ubnegtgel.ub.gov.mn сайтаас авав.

Нэрээ монгол бичгээрээ бичицгээе

http://www.tsahimmongol.com/mongol_dictionary.html гэдэг сайт байдаг юм байна. Нэрээ оруулаад хайхаар яаж бичдэгийг нь харуулна. Их л хэрэгтэй эд юм, цагаа тулахаар олдохгүй шүү. интернет хөтөч дээрээ бүүкмарк хийгээд аваарай.
Миний нэр жишээ нь дараах маягтай.

Мөс

Би өдөр бүр ажилдаа ирж очихдоо "хоёр зээрдээ" унадаг хүн. Хорин минут алхахад их юм бодноо, их ч юм харна. Циркийн тэрүүгээр явах үедээ шинэ жилийн үеэр мөсөөр сүлд мод заасан байсныгаа баяр дуусаад хайлаад ирэх үед нь урд талын талбай дээрх моддын ёроолд хэсэг хэсгээр нь буталж тавьсан байгааг хараад нь сайхан сэтгэж шүү гэж бодсон. Дэмий энд тэнд овоололгүй хавар болж хайлах үедээ моддоо сайхан усалж, хөрсөнд нь чийг өгөх нь модонд ч, цаашлаад хотын өнгө үзэмжинд ч ашиг тустай шүү дээ.

Би л лав гомдоогүй

За өчигдөр миний хувьд бөөн хожигдол амсдаг өдөр байлаа даа. Өдрийн 2 цагаас эхлээд л Хөлбөмбөгийн Холбооны ногоон талбай дээрээс Монголын Шигшээ багаа дэмжээд, хөлдөтлөө зогсож, хоолойгоо сөөтөл орилоод ч амжилтанд хүрсэнгүй, Зүүн Тимор гэгч улсад 1 – 0 хожигдож, хоёр тоглолтын нийлбэр дүнгээр 5 – 1 болсон нь 2018 онд Оросод болох дэлхийн аваргын тэмцээний болон Азийн цомын тэмцээний урьдчилсан шатны тоглолтоос хасагдах маш тодорхой шалтгаан болов оо хөөрхий.